Rruga e Muslimanit Faqe Islame
El Gâshijeh (mekase) 26 ajete
Me emrin e Allahut,
të Gjithëmëshirshmit, Mëshiruesit!
- A të ka ardhur lajmi për Belanë gjithëpërfshirëse?
- Atë ditë sheh fytyra të tmerruara,
- të lodhura e të rraskapitura.
- Ata do hyjnë në një zjarr të ndezur fort.
- Atyre u jepet të pinë prej një kroi të valë.
- Ata nuk kanë ushqim tjetër, veç një ferre helmuese,
- e cila nuk jep fuqi, as nuk largon uri.
- Atë ditë sheh fytyra të ndritshme,
- të cilat janë të kënaqura për veprat e veta,
- në një Xhenet të shkallës së lartë,
- ku nuk dëgjojnë fjalë të pakëndshme.
- Aty ka kroje, që rrjedhin.
- Ata kanë shtretër të lartë,
- kupa të vendosura pranë,
- jastëkë të renditur për mbështetje
- dhe qilima të shtruar.
- A nuk i shikojnë devetë se si janë krijuar,
- qiellin se si është ngritur lart,
- malet se si janë vendosur,
- Tokën se si është shtruar?!
- Ti këshillo, se je veçse një përkujtues,
- dhe nuk je kontrollues i tyre!
- Përveç atij që sprapset e nuk beson,
- të cilin Allahu me vuajtje të mëdha do e dënojë.
- Pa dyshim, vetëm tek Ne është kthimi i tyre.
- Dhe, pa dyshim, detyrë vetëm e Jona është llogaria e tyre.